لینکهای تصویری
لینکهای متنی
اطلاعات تماس
استودیو سهیل
قربان عباسی
شماره تماس : 09126417741
ایمیل : abbasy_tanha(AT)yahoo.com
نمایش جزئیات اشعار و حرفهای دلتنگی
سردار سر و قامت لبیک یا ابوالفضل
تندیس استقامت لبیک یا ابوالفضل
ای باده ی ولانین کوی بلاده مستی
جان وئر ماقی لب عطشان معنای می پرستی
ای یاره جان متاعین تقدیم ائدن دو دستی
مست می ولایت لبیک یا ابوالفضل
تا نام سروری وار تا روح داوری وار
تا عرصه ی وفاده یاد دلاوری وار
هاردا آدون گتورسم واللهی مشتری وار
ئولمز وقار و غیرت لبیک یا ابوالفضل
سن نفس ادعانی میداندا خوار ائدوبسن
اغیار ایچینده جانین قربان ائدوبسن
جانان ایاقی آلتدا قانین نثار ائدوبسن
ای مظهر ارادت لبیک یا ابوالفضل
یتدون کنار نهره باشدان سو فکرین آتدون
سو بیر اووج گوتوردون لب وورمادون بوشاتدون
به به بودور صداقت لبیک یا ابوالفضل
یاد ایلدون حسینی غافللری اویاتدون
عاشق گرک وفاده الهامی سندن آلسین
سالک یولوندا پیغامی سندن آلسین
ساقی ئوپر الوندن تا جامی سندن آلسی
ای ساقی محبت لبیک یا ابوالفضل
گلدوق کرمسرایه خوان کرم سنوندی
وئر اذن محرمیت مولا حرم سنوندی
سو آخسا قول کسیلسه مشگ و علم سنوندی
قامت ائدر قیامت لبیک یا ابوالفضل
ای ماه چهره . ماه تابان اولار مریدون
بیر جلوه ائتسن اهل کنعان اولار مریدون
تقوا و معرفتده سلمان اولار مریدون
سنسن مراد امت لبیک یا ابوالفضل
شاعر : استاد حاج ولی اله کلامی